Եւրոպահայութեան չորրորդ համագումար՝ 18 հոկտեմբերի ծրագիր:

Պրիւքսէլ, 15 Սեպտեմբեր 2017

Եւրոպահայութեան չորրորդ համագումար՝ 18 հոկտեմբերի ծրագիր:

Սիրով ձեզ կը հրաւիրենք մասնակցելու Եւրոպահայութեան չորրորդ համագումարին, որ տեղի պիտի ունենայ 18 – 19 հոկտեմբեր 2017-ին, Պրիւքսէլի մէջ:

Այս համագումարը Եւրոպայի մէջ գործող Հայ Դատի յանձնախումբերուն եւ հայկական կազմակերպութիւններուն կողքին, պիտի համատեղէ հասարակական գործիչներ, քաղաքագէտներ, գիտնականներ եւ հոգեւորականներ, զրուցելու եւ եզրակացութիւններու յանգելու մեր ժողովուրդին դիմագրաւած հիմնահարցերուն ներկայ զարգացումներուն շուրջ:

Ողջոյնի խօսքերով ելոյթ պիտի ունենան Հայաստանի եւ Արցախի հանրապետութիւններու բարձրագոյն ներկայացուցիչներ, Ս. Էջմիածնի եւ Մեծի Տանն Կիլիկիոյ կաթողիկոսութեանց բարձրագոյն ներկայացուցիչներ, Եւրոխորհրդարանէն ներս Եւրոմիութիւն – Հայաստան եւ Եւրոմիութիւն – Արցախ բարեկամութեան խումբերու նախագահները եւ Եւրոխորհրդարանի անդամներ:

Համագումարի առաջին օրը, տեղի պիտի ունենայ չորեքշաբթի 18 հոկտեմբերին Պրիւքսէլի Հայ տան մէջ ունենալով հայերէնը իբր աշխատանքային լեզու:

Օրուայ երեք կլոր սեղաններու ընթացքին պիտի գնարկուին հետեւեալ ընդհանուր նիւթերը՝

Կլոր սեղան 1 - Ցեղասպանութեան Ճանաչում եւ մեր հետապնդումները Եւրոպայի մէջ:

Բանախօսներ՝
- Միհրան Տապաղ, Bochum RUHR համալսարանի Ցեղասպանութեան եւ Սփիւռքի հետազօտութիւններու ինստիտուտի ղեկավար
- Վլադիմիր Վարդանյան, ՀՀ սահմանադրական դատարանի փորձագէտ

Զրուցավար՝ Գէորգ Յակոբճեան, Armenian Legal Center for Justice and Human Rights կեդրոնի տնօրէններու խորհրդի անդամ, Վիեննայի համալսարանի իրաւագիտութեան ֆակուլտետի ասպիրանտ

Կլոր սեղան 2 - Արցախի ժողովուրդի ինքնորոշման իրաւունքին հետապնդումը Եւրոպայի մէջ:

Բանախօսներ՝
- Հովհաննէս Գրիգորյան, European Friends of Armenia գործադիր տնօրէն
- Մուրատ Փափազեան, MediaSchool Group ընկերութեան տնօրէն, ՀՅԴ Բիւրոյի Անդամ
- Սամվել Մարտիրոսյան, տեղեկատուական անվտանգութեան եւ մեդիա փորձագէտ

Զրուցավար՝ Հեղինէ Էվինյան, Եւրոպայի Հայ Դատի գրասենեակի եւրոպական ծրագրերի համակարգող

Կլոր սեղան 3 - Հայապահպանում՝ Գոյատեւման Հիմնական Ազդակ:

Բանախօսներ՝
- Մհեր Գարագաշեան, Մոնթրեալի Սուրբ Յակոբ վարժարանի հայեցի դաստիարակութեան պատասխանատու
- Կարապետ Տաքէսեան, Կիպրոսի Մելքոնեան եւ Փարիզի Հրանտ Տինք վարժարաններու Հայերէն լեզուի դասաւանդութեան պատասխանատու, մանկավարժ 
- Միհրան Քիւրտօղլեան, Յունաստանի Հայ Կապոյտ Խաչի Լեւոն և Սոֆիա Յակոբեան Ազգային վարժարանի նախկին տնօրէն

Զրուցավար՝ Մկրտիչ Մկրտիչեան, Համազգային Մշակութային Միութեան վարչութեան անդամ, Լիբանանեան համալսարանի նախկին դասախօս 



ՀՅԴ ԵՒՐՈՊԱՅԻ ՀԱՅ ԴԱՏԻ ՅԱՆՁՆԱԽՈՒՄԲԻ ԳՐԱՍԵՆԵԱԿ

Պրիւքսէլ, Պելճիքա.

Մասնակցելու համար կը խնդրուի արձանագրուիլ՝ հետեւեալ յղումին պահանջուած տեղեկութիւնները լրացնելով.-

Registration Form

 


Share this article